Plantun de Prouvènço

Pèr coumpara dos planto d'encò nostre

Passiflora caerulea & Galium lucidum

Flour-de-la-passioun

Passiflora caerulea

Passifloraceae

Autre noum : Granadiho.

Noms en français : Fleur de la Passion, Passiflore.

Descripcioun :
Planto escalanto emé de vediho que trachis pulèu rapidamen. Li fueio soun penado (5 partido). S'aremarco subretout emé si gràndi e poulìdi flour bluio que podon pas engana. Fai pièi de fru coulour d'arange. Dins la naturo èi raro (R), mai èi coumuno dins li jardin.

Usanço :
Aquelo planto nous vèn dis Americo e lou noum ramento la semblanço de sa flour emé la courouno dóu Crist. Lou fru èi manjadis e la planto couneigudo pèr èstre vertuouso. Se prèn subretout en tisano pèr apasima contro lis ànci e ajuda à dourmi. Lis american se servien di fueio pèr sougna li macaduro e bruladuro (en emplastro).

Port : Liano
Taio : Pancaro entresigna
Fueio : alterno
Tipe bioulougico :
Cicle bioulougico : Planto renadivo

Gènre : Passiflora
Famiho : Passifloraceae

Coulour de la flour : Bluio
Petalo : >6
Ø (o loungour) flour : Pancaro entresigna
Flourido : Printèms - Estiéu - Autouno

Sòu : Ca
Autour basso e auto : Pancaro entresigna
Aparado : Noun

Liò : Ribiero
Estànci : Termoumediterran à Mesoumediterran
Couroulougi : Pancaro entresigna
Ref. sc. : Passiflora caerulea L., 1753

Reboulo(-lusènto)

Galium lucidum

Rubiaceae

Nom en français : Gaillet luisant.

Descripcioun :
La reboulo-lusènto es uno planto coumuno que trachis en mato sus li paret e li roucaio de touto meno. Èi pas di mai grando, se recounèis à si cambo e fueio primo ( = 1 mm), aquésti soun lusènto. L'enflourejado èi piramidalo e li petalo di flour soun acabado pèr uno pichoto arèsto. Coumpara emé la reboulo-di-fueio-d'espargo que ié sèmblo proun.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 80 cm
Fueio : verticilado
Tipe bioulougico : Emicriptoufite
Cicle bioulougico : Planto renadivo

Gènre : Galium
Famiho : Rubiaceae

Ordre : Gentianales

Coulour de la flour : Blanco
Petalo : 4
Ø (o loungour) flour : 3 à 4 mm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Mai à juliet

Liò : Paret - Roucaio - Tepiero seco - Relarg à jóuinis aubret
Estànci : Termoumediterran à Mountagnard
Couroulougi : Éurimediterranenco
Ref. sc. : Galium lucidum All., 1773

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

Passiflora caerulea & Galium lucidum

ges

RRR

ges

Coumpara Flour-de-la-passioun emé uno autro planto

Coumpara Reboulo(-lusènto) emé uno autro planto